Dörpslaid
Doe patjepeeër in dien BMW,
Glidst veurbie in n dikke slee.
Toeterst noar dien kammeroaden,
Dijst doe nooit nait zelst
verroaden.
Doe zitst ja goud op t nije stee.
Doe patjakker in Mercedes-Benz,
Wast doe om haans hest, wait gain mens.
Muikst mie waik mit filaine proat,
Hest mie bedrogen mit vaalse road.
Zo konst t aal regeln noar dien wens.
Doe gladdekker in dien nije
Volvo,
Plannen lagen kloar op dien bureau.
Ik mocht t nait waiten, hest mie niks verteld,
t Ging die allain moar om t laive geld.
Sikkom vergeefs kreegst t aal cadeau.
Doe farizeeër, stòfst haard
veurbie;
Noust sinten hest, toeterst nait bie mie.
Woarom haarst docht dat k wel zol swiegen,
Dat ik wieken zol veur dien bandiezen?
Nee grode vent, k bin nait baange veur die...
Zuudbrouk, haarfst 2001
Uit: Schriefwedstried Menterwolde 2002